Денес околу 12:30 часот на влезот од Лескоец се случи сообраќајна незгода во која учествуваа две возила, „Алфа Ромео“ со охридски регистарски таблички и комбе „Цитроен“ со прилепски таблички.
„Во сообраќајната незгода учествувале две патнички моторни возила. Причинета е незначителна материјална штета. Нема посериозни последици по човечки животи. Причината за незгодата дополнително ќе се утврдува, но најверојатно станува збор за непридржување на брзината на движење на возилата,“ – изјави за WebOhrid, портпаролот на СВР Охрид, м-р Стефан Димоски.
Од страна на СВР Охрид направен е увид на лице место, а дополнително ќе се утврдуваат причините за незгодата.
WebOhrid